[日劇][小太郎一個人生活] 中秋假期一口氣睇完《D.P : 逃兵追緝令》，仲唔覺意click開咗呢套10集、每集半個鐘嘅《小太郎一個人生活》嚟睇，真係唔覺意咋，但好快畀佢個設定吸引咗，唔覺意又睇晒。
《小太郎一個人生活》係小學館旗下青年漫畫雜誌《bigsuperior》由2015年開始連載至今嘅漫畫，單行本至今出到第7冊。富士電視台改篇漫畫成為電視劇，4月~6月播放。主角係 川原瑛都 飾演嘅 佐藤小太郎，仲有飾演 狩野進 嘅 傑尼斯關八成員 橫山裕。有一日，年僅5歲嘅小太郎一個人搬入清水公寓，同住喺佢隔籬單位嘅漫畫家狩野，以及公寓其他鄰居發生一連串日常小故事。
低成本劇集，但係拍出高度感動。劇情都係啲日劇最基本嘅老套嘢，但日劇就係拍得出嗰種情感出嚟。小太郎嘅嗰種倔強同生性真係令人心酸。
📺《小太郎一個人生活》Netflix 全季已上架
[傳送] https://bit.ly/3kwdLqM
#小太郎一個人生活 #川原瑛都 #橫山裕 #Netflix #tvAsahi #テレビ朝日 #朝日電視台
Search